राजविराज : मोटरसाइकलको ठक्करले सप्तरीमा सोमबार एक साइकल यात्रीको मृत्यु भएको छ भने मोटरसाइकल चालक गम्भीर घाइते भएका छन्। सप्तरी प्रहरीका अनुसार सप्तकोशी नगरपालिका- ४ स्थित सडकखण्डमा मोटरसाइकलको ठक्करले साइकल चालक सप्तकोशी ७ का २५ वर्षीय किसुन सदाको मृत्यु भएको छ।
कञ्चनरुपबाट फत्तेपुरतर्फ जाँदै गरेको स.८प ६१३२ नम्बरको मोटरसाइकलले विपरित दिशाबाट आउँदै गरेको साइकललाई ठक्कर दिएको थियो।
घाइते सदाको उपचारको क्रममा बिराटनगरस्थित गोल्डेन अस्पतालमा मृत्यु भएको हो।दुर्घटनामा मोटरसाइकल चालक सप्तकोसी ८ का ३० वर्षीय बिक्की झा समेत गम्भीर घाइते भएको प्रहरीले जनाएको छ। घाइते झाको गोल्डेन अस्पताल बिराटनगरमा उपचार भइरहेको डीएसपी भावेश रिमालले बताए।
प्रतिक्रिया दिनुहोस !
