बनेपा : काभ्रेमा शनिबार दिउँसो भएका छुट्टा–छुट्टै दुर्घटनामा चार जनाको मृत्यु भएको छ भने अन्य चार घाइते छन्।
मण्डन देउपुर नगरपालिकास्थित ढकाल थोकमा बा ३ च २८७ नम्बरको जिप पल्टिदा तीन जनाको मृत्यु हुनुका साथै पाँचखाल नगरपालिकाको तिनपीपलेमा भएको दुर्घटनामा एकजनाको मृत्यु भएको हो।
उनका अनुसार जिपमा सवार अन्य तीनजना घाइते छन्। घाइतेको धुलिखेल अस्पतालमा उपचार भइराखेको छ। जिप थुक्कीडाँडाबाट धुलिखेल फर्कने क्रममा दिउँसो दुई बजे सडकबाट पाँच सय मिटर तल खसेर दुर्घटना भएको जिल्ला ट्राफिक कार्यालय काभ्रेका सई राजेश दाहालले जानकारी दिए ।
त्यसैगरी आइतबारै पाचँखाल तिनपीपलेमा धुखिलेलबाट पाँचखालतर्फ जाँदै गरेको बा ३ क ६४२ नम्बरको टिपरले मोटरसाइकललाई ठक्कर दिँदा मोटरसाइकलमा सवार सोही स्थानकी ५६ वर्षीय रञ्जना गौतमको मृत्यु भएको हो।
जिल्ला ट्राफिक कार्यालय काभ्रेका सई राजेश दाहालका अनुसार मोटरसाइकल चालक सामान्य छन्।
प्रतिक्रिया दिनुहोस !
