गाईघाट : उदयपुरमा चुनढुंगा बोकेर आउँदै गरेको टिपरको ठक्करबाट आइतबार राति मोटरसाईकलमा सवार एक युवाको ज्यान गएको छ ।
खानी क्षेत्र उदयपुरगढी गाउँपालिका–४ र ७ सरुनेबाट कसमस सिमेन्टको चुनढुंगा बोकेर उद्योगतर्फ आउँदै गरको बा ३ ख ६११५ नम्बरको टिपरको ठक्करबाट स प ३१२७ नम्बरको मोटरसाईकललाई ठक्कर दिँदा पछाडी बसेका त्रियुगा नगरपालिका–७ कपासेका १८ वर्षीय सोनाम राईको घटनास्थलमै मृत्यु भएको हो ।
दुर्घटनामा मोटरसाईकल चालक १८ वर्षीय भुपेन्द्र राई सामान्य घाइते भएका छन् । मदन भण्डारी राजमार्गअन्तरगत मुर्कुची–जलजले सडकखण्डको त्रिनपा ७ गुन्टेचुहाडेमा दुर्घटना भएको हो ।
जिल्ला प्रहरी कार्यालयका प्रमुख एसपी चन्द्रदेव राईका अनुसार घटना लगत्तै फरार रहेका टिपर र चालकलाई प्रहरीले नियन्त्रणमा लिएको छ । मृतकको शव पोष्टमार्टमका लागि जिल्ला अस्पताल ल्याइको छ । मृतकका आफन्त र स्थानीयले क्षतिपुर्तिको माग राख्दै यस क्षेत्रमा कुनै पनि टिपर सञ्चाल गर्न दिएका छैनन् ।
सो क्षेत्रबाट कसमस सिमेण्टका दुई दर्जन बढी टिपर नियमित सञ्चालनमा छन् ।
प्रतिक्रिया दिनुहोस !
