बिर्तामोड : झापाको बुद्धशान्ति गाउँपालिका ४ को हात्तीसुढेमा भएको मोटरसाईकल दुर्घटनामा परी घाईते भएका एक युवकको उपचारको क्रममा मृत्यू भएको छ। सोमबार बिहान भित्री सडक खण्डमा पूर्वबाट दक्षिणतर्फ जाँदै गरेको मे.५ प. ८९८४ नम्बरको मोटरसाईकल अनियन्त्रित भई दुर्घटना भएको थियो।
दुर्घटनामा चालक झापा कचनकबल गाउँपालिका ७ बस्ने देवी लिम्बु र पछाडी सवार झापा भद्रपुर नगरपालिका १ का आइन्द्र लिम्बु घाइते भएका थिए। घाइते मध्ये आइन्द्र लिम्बुको सोमबार दिउँसो उपचारको क्रममा बिर्तामोडस्थित बिर्तासिटी अस्पतालमा मृत्यू भएको प्रहरीले जनाएको छ। अर्का घाईते देवी लिम्बुको उपचार भईरहेको छ।
प्रतिक्रिया दिनुहोस !
