गाईघाट : उदयपुरको चौदण्डीगढी नगरपालिका ५ सुन्दरपुरबाट गाँजासहित एक युवालाई प्रहरीले पक्राउ गरेको छ। सप्तरीको फत्तेपुरबाट उदयपुरको सदरमुकाम गाईघाटतर्फ ल्याउने क्रममा प्रहरीले सप्तरीको सप्तकोसी नगरपालिका-१ फत्तेपुरका २४ वर्षीय गोविन्द परियारलाई बिहीबार बेलुका पक्राउ गरेको हो।
पक्राउ परेका परियारको साथबाट प्रहरीले १ केजी गाँजा बरामद गरेको जिल्ला प्रहरी कार्यालयका प्रमुख एसपी चन्द्रदेव राईले बताए। विशेष सुराकीका आधारमा इलाका प्रहरी कार्यालय सुन्दरपुरको टोलीले उनलाई पक्राउ गरेको प्रहरीले जनाएको छ।
प्रतिक्रिया दिनुहोस !
