राजविराज : भारतबाट नेपालतर्फ अवैध लागुऔषध ल्याउँदै गरेको अवस्थामा सप्तरी प्रहरीले सिरहाका एक युवालाई पक्राउ गरेको छ। सप्तरीको बोदे बर्साइन नगरपालिका- ५ स्थित मुख्य बजारबाट प्रहरीले लागुऔषधसहित सिरहाको लहान नगरपालिका २३ का १८ वर्षीय भरत यादवलाई पक्राउ गरेको हो।
इलाका प्रहरी कार्यालय बोदे बर्साइनबाट खटिएको प्रहरी टोलीले चेकजाँच गर्ने क्रममा लागुऔषधसहित यादवलाई पक्राउ गरेको जिल्ला प्रहरी कार्यालयका एसपी राजेन्द्र विष्टले बताए।
एसपी विष्टका अनुसार यादवको साथबाट नाईट्रोभेट ६ सय पिस, फेनारगन ५१ पिस, डाईजेल्याप ५० पिस र नुर्फिन २९ पिस बरामद गरिएको छ।
प्रतिक्रिया दिनुहोस !
