पूर्वमा दुई दिन विद्युत आपूर्ति बन्द हुने
खाँदबारी : दुहबी-धरान क्षेत्रको ३३ केभि विद्युत प्रसारण लाइनमा समस्या आएको छ। विद्युत लाइनको मर्मत गर्नुपर्ने हुँदा बिहीबार र शुक्रबार विद्युत अवरोध हुने भएको छ। पूर्वका संखुवासभा, धनकुटा, भोजपुर, तेह्रथुमलगायतका जिल्लामा दिउँसो १ बजेदेखि बेलुका ६ बजे सम्म विद्युत अवरुद्ध हुने विद्युत वितरण केन्द्र खाँदबारीका शाखा प्रमुख ध्रुव अधिकारीले जानकारी दिए।
संखुवासभा र अन्य जिल्लामा वितरण गरिएको ३३ केभि विद्युत प्रशारण रुटमा समस्या आएको छ।एकै दिन मर्मतको काम गर्न नसकिने भएकाले आज र भोली मर्मत गरिने प्रमुख अधिकारीले बताए।
दुहवी-धरानसम्मको रुटमा पटक पटक समस्या आइरहेकोले मर्मत गर्न लागिएको वितराण शाखाले जनाएको छ।शनिबारबाट नियमतिरुपमा विधुत वितरण हुने जनाइएको छ।