ताप्लेजुङ : पाथीभरा याङ्वरक गाउँपालिका–५ चाक्सिबोटेमा बेवारिसे शव भेटिएको छ। अन्दाजी २५ वर्षिया युवाको शव चाक्सिबोटेको सिँधुरेस्थित काबेली खोलाको दहमा भेटिएको हो।
‘६ फिट अग्लो, फुस्रो कालो ज्याकेट, आकासे रङको जिन्स पाईन्ट, कालो स्पोर्ट जुत्ता लगाएको पुरुष मृत भेटिएका हुन्,’ जिल्ला प्रहरी कार्यालय ताप्लेजुङका प्रमुख सञ्जयसिंह थापाले भने।
घटनास्थलमा पुगेर अनुसन्धन गर्दा शवको पहिचान हुन नसकेको र आफन्त समेत पत्ता नलागेकोले कानुनी प्रक्रिया पुरा गरी जिल्ला अस्पतालको शव गृहमा लगेर राखिएको थापाले जानकारी दिए। उक्त शव स्थानीयले माघ १३ गते भेटेर प्रहरीलाई खबर गरेका थिए।
प्रतिक्रिया दिनुहोस !
