विराटनगर : भारतको जोगवनीबाट लागुऔषध लिएर आउँदै गर्दा विराटनगर महानगरपालिका-१५ बाबा सिनेमा हल नजिकबाट प्रहरीले एक युवालाई पक्राउ गरेको छ। सुनसरीको धरान उपमहानगरपालिका-३ का २३ वर्षीय प्रज्वल ताम्राकारलाई लागुऔषध नियन्त्रण व्युरो विराटनगरको टोलले पक्राउ गरेको हो।
प्रहरीले पक्राउ परेकाको साथबाट १५ एम्पुल एभिल, १५ एम्पुल डाईजेल्याब, १५ एम्पुल जुपिजेसिक र चार एम्पुल फेनारगन बरामद भएको जानकारी दिएको छ। उनी विरुद्ध लागुऔषध ऐन अन्तर्गतको मुद्धा चलाउन म्याद थप गरेर अनुसन्धान अघि बढाइएको प्रहरीको भनाइ छ।
प्रतिक्रिया दिनुहोस !
