राजविराज : सप्तरीमा मंगलबार एकै दिन तीनजनाको शव भेटिएको छ । तीमध्ये दुई पुरुष र एक महिला रहेको पुष्टि भएको छ ।
सप्तरीको कञ्चनरुप नगरपालिका–५ बस्ने बेचन सरदारका छोरा ३४ वर्षीय छुतरु सरदारको पासोमा झुण्डिएको अवस्थामा शव भेटिएको थियो ।
घर नजिकै कोशी टप्पुस्थित खयरको रुखमा डोरीको पासो लगाइ झुण्डिएको अवस्थामा शव फेला परेको र आवश्यक अनुसन्धान कार्य भइरहेको इलाका प्रहरी कार्यालय कञ्चनरुपका इन्स्पेक्टर प्रतिक विष्टले बताए ।
यस्तै सप्तरीको बोदे बर्साईन नगरपािलका–८ काचनमा ३६ वर्षीय महेश्वर दासको पनि झुण्डिएको अवस्थामा शव फेला परेको प्रहरीले जानकारी दिएको छ ।
आफ्नै घरको छानाको बलोमा डोरीको पासो लगाई झुण्डी मृत्यु भएको अवस्थामा शव फेला परेपछि प्रहरीले आवश्यक अनुसन्धान सुरु गरेको जिल्ला प्रहरी कार्यालयका डिएसपी भावेश रिमालले बताए ।
सप्तरीकै छिन्नमस्ता गाउँपालिकामा नाम, ठेगाना नखुलेको एक ७० वर्षीया बृद्धाको शव भेटियो । छिन्नमस्ता गाउँपालिका–३ स्थित छिन्नमस्ता शक्तिपिठ परिसरमा पाँच वर्षयता एक्लो जीवन बिताउँदै आएका बृद्धा मृत अवस्थामा फेला परेका हुन् ।
प्रतिक्रिया दिनुहोस !
