राजविराज : मैदा लोड भएको ट्रक अनियन्त्रित भई रुखमा ठोक्किँदा आइतबार दुईजनाको घटनास्थलमै मृत्यु भएको छ। सप्तरीको अग्निसाइर कृष्णसवरण गाउँपालिका-२ स्थित पूर्व-पश्चिम राजमार्गमा ना.५ ख १६५१ नम्बरको ट्रक रुखमा ठोक्किँदा ट्रकमा सवार बाराको निजगढ नगरपालिका- ८ का २५ वर्षीय भरत तामाङ र उदयपुरका २१ वर्षीय अशोक लामाको घट्नास्थलमै मृत्यु भएको सप्तरी प्रहरीले जनाएको छ।
जिल्ला प्रहरी कार्यालयका डीएसपी भावेश रिमालका अनुसार ट्रक चालक बाराको निजगढ नगरपालिका ८ का २१ वर्षीय सौरभ लामा घाइते भएका छन्। घाइते लामाको सप्तरीको कञ्चनरुपस्थित धर्मेश्वर अस्पताल ठेलियामा उपचार भइरहेको छ।
प्रतिक्रिया दिनुहोस !
