बस र ट्रक ठोक्किँदा धनुषामा २ को मृत्यु, दर्जन बढी घाइते
फागुन १५, २०७५ बुधबार १०:३९:०
जनकपुरधाम : धनुषाको ढल्केवरमा ट्रक र बाहक ठोक्किँदा दुईजनाको मृत्यु भएको छ भने, दर्जन बढी यात्रु घाइते भएका छन्। पूर्वपश्चिम महेन्द्र राजमार्गअन्तर्गत धनुषाको मिथिलानगरपालिकाको ढल्केवरमा बस र ट्रक ठोक्किँदा दुईजनाको मृत्यु र १९ जना घाइते भएको प्ररीले जनाएको छ।
बसमा सवार धनुषाको क्षीरेश्वरनाथ नगरपालिका-२ की शुभकला मण्डल र भारत मोतिहारीका २५ वर्षीय उदेश ठाकुरको मृत्यु भएको इलाका प्रहरी कार्यालय ढल्केवरका प्रहरी निरीक्षक सरोज राइले जनाए।
काँकरभिट्टाबाट पश्चिम जाँदै गरेको ना५ख ४९६ नम्बरको बसलाई विपरित दिशाबाट आउँदै गरेको ना ६ ख ९४९६ नम्बरको मालवाहक ट्रक ढल्केवर चोकको मोडमा ठोक्किदा दुर्घटना भएको हो। दुर्घटनामा घाइते भएकाहरुको विभिन्न अस्पतालमा उपचार भइरहेको छ।
प्रतिक्रिया दिनुहोस !
