रौतहट : चन्द्रपुर नगरपालिका–१ स्थित पौराइको बागमती बजारमा बुधबार साँझ मालवाहक ट्रकले मोटरसाइकललाई ठक्कर दिँदा मोटरसाइकल चालकको मृत्यु भएको छ ।
पौराइस्थित बागमती बजारमा पूर्वबाट पश्चिम आउँदै गरेको ना ४ ख २०९३ नम्बरको ट्रकले पश्चिमबाट पूर्व जाँदै गरेको बा ६१ प २४८३ नम्बरको मोटरसाइकललाई ठक्कर दिँदा २५ वर्षीय बिक्रम लामाको मृत्यु भएको इलाका प्रहरी चन्द्रनिगाहपुरले जनाएको छ ।
चन्द्रपुर–१ बागमती बजारमा घर भएका मोटरसाइकल चालक लामाको मृत्यु भएको हो । घाइते लामाको टाउको र बायाँ खुट्टामा चोट लागेर उपचारको लागि चन्द्रनिगाहपुरमा ल्याउने क्रममा मृत्यु भएको प्रहरीले जनाएको छ ।
घटनापछि पीडित परिवार तथा स्थानीयबासीले केही बेर पूर्वपश्चिम राजमार्ग अवरुद्ध पारेका थिए । ट्रक चालकलाई कारबाही, उचित क्षतिपुर्ति लगायतको माग राखेर गरिएको चक्काजाम सहमतीपछि खुलेको थियो ।
प्रतिक्रिया दिनुहोस !
