मापसे छल्न ट्राफिक प्रहरीलाई साढे ४ हजार घुस दिँदा पक्राउ
काठमाडौँ : मादक पदार्थ सेवन गरी मोटरसाइकल चलाएका एकजनाले प्रहरीलाई घुस दिन खोज्दा पक्राउ परेका छन् ।
बुधबार राति महानगरीय प्रहरी वृत्त स्वायम्भूबाट खटिएको प्रहरी र ट्राफिक प्रहरीसहितको संयुक्त टोलीलाई घुस दिन खोज्दा चन्द्रागिरि नगरपालिका-० स्यूचाटार घर भएका ४० वर्षीय भीमबहादुर बानियाँ पक्राउ परेका हुन् ।
बुधबार राति साढे ९ बजे काठमाडौँ-१५ सानो भर्याङमा चेकजाँच गर्ने क्रममा गोरखा घर भएका बानियाँ मार्दक पदार्थ सेवन गरी बा.७८ प ९९४४ नम्बरको मोटरसाइकल चलाइरहेको अवस्थामा भेटिएका थिए ।
मापसे गरेको अवस्थामा भेटिएपछि प्रहरीले नियन्त्रणमा लिन खोज्दा उनलले ४ हजार ५ सय रूपैयाँ घुस दिन खोजेका थिए । त्यसपछि प्रहरीले नगद र मोटरसाइकलसहित उनलाई नियन्त्रणमा लिई अनुसन्धान भइरहेको जनाएको छ।