दाङ : आठौं राष्ट्रिय खेलकुद प्रतियोगिता अन्तर्गत दाङको लमहीमा भएको महिला क्रिकेटको उपाधि पनि एपिएफले जितेको छ । महिला क्रिकेटको उपाधिको लागि प्रदेश नम्बर १ र एपिएफ बीचमा प्रतिस्पर्धा भएको थियो ।
एपिएफ ८७ रनले विजयी भएको हो । महिला क्रिकेटमा दोस्रो प्रदेश नम्बर १ र तेस्रो सुदूरपश्चिम प्रदेश भएका छन् । टस जितेर प्रदेश नम्बर १ ले बलिङ रोजेको थियो । एपिएफले २० ओभरमा पूरै विकेट गुमाएर १२८ रन बनायो ।
जसमा ज्योति पाण्डे ४५, सिताराना मगर ४२ रन जोडिन् । बलिङतर्फ प्रदेश १ कि रुविना क्षेत्री, सवनम राई र संगीता राईले समान ३÷३ विकेट लिइन् । प्रदेश नम्बर एक १९ दशमलव ४ ओभरमा अलआउट हुँदै ४१ रनमा समेटिन पुग्यो । रश्मी शर्मा चौलागाई अविजित हुँदै २७ रन जोडिन् ।
बलिङ एपिएफकी रितु कनोजिया, सरिता मगर र सीता राना मगरले समान २÷२ विकेट लिइन । प्लेर अफ द म्याच रीता राना मगर घोषित भइन् । वेस्ट वलर प्रदेश १ कि संगीता राई, वेष्ट व्याट्सम्यान प्रदेश ७ कि कविता जोशी, प्लेयर अफ द टुनामेन्ट प्रदेश १ कि रुविना क्षेत्री भइन् ।
प्रतिक्रिया दिनुहोस !
