सिमरा : प्रहरीले बाराको जीतपुरबाट चितुवाको छाला र दाँतसहित एकजनालाई पक्राउ गरेको छ ।
जीतपुरस्थित इलाका प्रहरी कार्यालयको प्रहरी टोलीले चेकजाँचका क्रममा मकवानपुर बकैया गाउँपालिका–२ का सोमबहादुर गोलेलाई छाला र दाँतसहित पक्राउ गरेको हो ।
पैदल हिँडिरहेका गोलेलाई शंकास्पद अवस्थामा भेटेपछि सडकमा बसिरहेका प्रहरीले उनलाई नियन्त्रणमा लिइ चेकजाँच गरेको थियो । चेकजाँचका क्रममा उनको झोलामा चितुवाको रौंसहितको छाला र चारवटा दाँत बरामद गरेको प्रहरीले जनाएको छ ।
पक्राउ परेका गोलेले आफूलाई फसाइएको भन्दै प्रहरीलाई बयान दिएका छन् । गोलेलाई थप कारवाहीका लागि डिभिजन कार्यालय बारालाई बुझाइएको बाराका प्रहरी प्रवक्ता प्रहरी नायब उपरीक्षक रञ्जितसिंह राठौरले जानकारी दिएका छन् ।
प्रतिक्रिया दिनुहोस !
