विराटनगर : मोरङको कटहरी गाउँपालिका-७ भौंडाहामा शनिबार साँझ भएको मोटरसाइकल दुर्घटनामा परेर एकजनाको मृत्यु भएको छ। भित्री सडकखण्डमा उत्तरबाट दक्षिणतर्फ जाँदै गरेको को ३६ प ३७३० नम्बरको मोटरसाइकल र विपरित दिशाबाट आउँदै गरेको को २९ प ८३८० नम्बरको मोटरसाइकल ठोक्किँदा दुर्घटना भएको हो।
दुर्घटनामा को ३६ प ३७३० नम्बरको मोटरसाइकलका चालक बुढीगंगा गाउँपालिका-५ का १९ वर्षीय निरज सरदारको मृत्यु भएको प्रहरीले जनाएको छ। प्रहरीका अनुसार दुर्घटनामा गम्भीर घाइते भएका उनको उपचारका क्रममा राति कोसी अस्पताल विराटनगरमा मृत्यु भएको हो।
प्रहरीले दुवै मोटरसाइकल नियन्त्रणमा लिए पनि को २९ प ८३८० नम्बरको मोटरसाइकलका चालक फरार रहेको जनाएको छ।
प्रतिक्रिया दिनुहोस !
