राजविराज : तिव्र गतिको मोटरसाइकल होर्डिङ बोर्डमा ठोक्किँदा मोटरसाइकल चालकको मृत्यु भएको छ।
सप्तरीको शम्भुनाथ नगरपालिका ५ स्थित तारखाना पुल नजिक रहेको होर्डिङ बोर्डमा ठोक्किएर सप्तरीको खडक नगरपालिका ६ का २२ वर्षीय उमेश चौधरीको मृत्यु भएको सप्तरी प्रहरीले जनाएको छ।
पूर्व-पश्चिम महेन्द्र राजमार्गमा पूर्वबाट पश्चिमतर्फ जाँदै गरेको स ७ प १५८९ नम्बरको मोटर साइकल दुर्घटनामा परी मोटरसाइकल चालक चौधरी गम्भीर घाइते भएका थिए । घाइते चौधरीको रुपनी गाउँपालिकास्थित युनिक अस्पताल राजविराजमा उपचारको क्रममा मृत्यु भएको जिल्ला प्रहरी कार्यालय, सप्तरीका प्रहरी उपरीक्षक मनोजकुमार यादवले जानकारी दिए।
प्रतिक्रिया दिनुहोस !
