चरिकोट : उत्तरी दोलखाको गौरीशंकर गाउँपालिकामा गएराति आएको पहिरोले २ घरसहित २६ चौपाया बगाएको छ। शुक्रबार राति साढे ११ बजेतिर खसेको पहिरोले सुसिनटारस्थित राजेन्द्र थामीका २ घर बगाएको हो।
प्रहरीका अनुसार पहिरोले घरभित्र रहेको अन्नपात, लत्ताकपडा, गहना र नगद समेत बगाएको दोलखाका प्रहरी निरीक्षक प्रदिप महतले जानकारी दिए। घर अगाडी पार्किङ गरिएको लु३त २३०४ नम्बरको ट्रयाक्टर र होमबहादुर श्रेष्ठको बा१७प ६५०२ नम्बरको मोटरसाइकल समेत बगाएको प्रहरी निरीक्षक महतले जानकारी दिए।
पहिरोका कारण करिब ७२ लाख बराबरको क्षति भएको प्रहरीले जनाएको छ। पहिरोले मानवीय क्षति नभएपनि आसपासको करिब २ किलोमिटर क्षेत्र अझै जोखिम रहेकोले बसोबासको सम्भावना नभएको सिंगटी इलाका प्रहरी कार्यालयले जनाएको छ।
प्रतिक्रिया दिनुहोस !
