मोदीको भुटान भ्रमण : १० सम्झौतामा हस्ताक्षर
नयाँ दिल्ली : भारतीय प्रधानमन्त्री नरेन्द्र मोदी दुईदिने भ्रमणका क्रममा भुटानमा छन् । शनिबार अपरान्ह भुटान पुगेका उनले भुटानका प्रधानमन्त्री लोट्टे छिरिङसँग द्वीपक्षीय भेटवार्ता गरेका थिए । भेटमा भारत र भुटानको हित र सम्बन्धलाई प्रगाढ बनाउने विषयमा छलफल भएको मोदीले ट्वीट गरी जानकारी दिएका छन्।
प्रधानमन्त्री मोदी र समकक्षी छिरिङले विभिन्न क्षेत्रमा सहकार्य गर्ने गर्ने गरी दशवटा सम्झौता पत्रमा हस्ताक्षर भएको दुवै देशका विदेश मन्त्रालयले जनाएका छन् । भारत र भुटानबीच अन्तरिक्ष अनुसन्धान, हवाई, प्रविधि, उर्जा र शिक्षाका क्षेत्रमा दश सहमति पत्र(एमओयु)मा हस्ताक्षर भएको छ ।
आइतबार मोदीले भुटानको रायल विश्वविद्यालयका छात्रछात्रालाई सम्बोधन गर्नेछन् । दुइदिने भ्रमण सकेर मोदी आइतबार स्वदेश फर्कने कार्यक्रम रहेको छ ।