रुकुम : लागुऔषध अफिमसहित रुकुमपूर्वमा प्रहरीले दुई जनालाई पक्राउ गरेको छ।
जिल्लाको भूमे गाउँपालिका– ५ बालुवाबाट आठ किलो दुई सय ग्राम अफिमसहित दुई जनालाई पक्राउ गरिएको प्रहरीले जनाएको छ ।
जिल्लाको पुथा उत्तरगंगा गाउँपालिका–८ का २६ वर्षीय जीवन भन्ने सुशन बोहरा र सिस्ने गाउँपालिका ५ घर भई हाल भूमे ५ बस्दै आएका ४८ वर्षीय यज्ञबहादुर खत्रीलाई पक्राउ गरिएको जिल्ला प्रहरी कार्यालय रुकुमपूर्वका प्रमुख, प्रहरी नायव उपरीक्षक योगेन्द्र खड्काले जानकारी दिए ।
उनका अनुसार खत्रीको घरमा बोराभित्र राखेर डेक्चेमा लुकाई राखेको विशेष सूचनाको आधारमा उनीहरूलाई जिल्ला प्रहरी कार्यालयबाट खटिएको विशेष टोलीले पक्राउ गरिएको हो । पक्राउ परेका दुवै जनालाई लागुऔषध सम्बन्धी मुद्दा दर्ता गरेर आवश्यक अनुसन्धान भइरहेको डीएसपी खड्काले जानकारी दिए । बुधबार राति पक्राउ परेकाहरूलाई बिहीबार सार्वजानिक गरिएको छ ।
प्रतिक्रिया दिनुहोस !
