डडेल्धुरा : विश्वभर महामारीका रुपमा फैलिइरहेको कोरोना भाइरस (कोभिड १९) का बारेमा विधार्थीलाई अभिमुखिकरण मार्फत सचेतना गराइँदै छ । चैत ६ बाट हुने माध्यमिक शिक्षा परीक्षा (एसईई) र सचांलनमा रहेका अन्य परीक्षामा विद्यार्थीको भीडभाड बढी हुने भएपछि कोरोनाका बारेमा सचेतना गरिएको हो ।
समुदायस्तरमा सचेतना फैलाउन विद्यार्थीबाट चाँडो र सजिलो हुने भन्दै डडेल्धुराको नबदुर्गा गाउँपालिकाले विद्यालय र आमा समूहमार्फत सचेतनाका काम गरिरहेको गाउँपालिका अध्यक्ष कबिन्द्र बिष्टले बताए ।
वडास्तरमा कोरोनाका लक्षण, यसबाट बच्न उपायकाबारे महिला स्वास्थ्य स्वयम सेवीकामार्फत आमा समूहले सचेतना गराउँदै आएका छन् भने विद्यालयमा प्राथना समयमा दैनिक यसको जानकारी गराउँदै आएको शिक्षकले बताएका छन्।
वडा र गाउँपालिकामा संयन्त्रमार्फत कोरोनाबारे सचेतना गर्न लागेको नवदुर्गा गाउँपालिकाले जनाएको छ । कोराना संक्रमित बिरामी भेटिए छुट्टै राख्ने आइसोलेसन कक्षको तयारी भइरहेको छ।
अन्य स्थानीय तह र जिल्ला सदरमुकाममा पनि विभिन्न संघसस्थाले कोरोनाबाट बच्न र बचाउन नागरिलाई सचेत गरिरहेका छन् ।जिल्ला सदरमुकाममा ग्रामिण महिला विकास केन्द्र रुडुकको सहयोगमा जेसिस डडेल्धुराले पनि पर्चा वितरणका साथै यसका लक्षण र बच्ने उपायाका बारेमा सचेतना गरिरहेको जेसिस डडेल्धुरा अध्यक्ष बरुण पनेरुले बताए ।
नबदुर्गा गाउँपालिका सुदूरपश्चिमका विभिन्न पहाडि जिल्लासँग जोडिएको हुँदा विभिन्न ठाउँबाट गाउँपालिका क्षेत्रमा प्रवेश गर्ने हरुको पनि विशेष निगरानी थालेको छ।हाल यो रोगका कारण छिमेकी मुलुक भारतमा ३ जनाको मृत्यु भइसकेको छ भने विश्वभर ८ हजार बढी मानिसको मृत्यु भइसकेको तथ्याकं सार्वजनिक भएको छ।
प्रतिक्रिया दिनुहोस !
