६० हजार वर्ष पुरानो काठमा कस्तो औषधि खोज्दैछन् वैज्ञानिक ?
वासिंटन : ६० हजार वर्षअघि प्रागऐतिहासिक मानवहरु अफ्रिकाबाट बाहिरिन थालेपछि मेक्सिको खाडीको निकारमा खोला नजिकै जंगल बन्यो ।
जब रुखहरु बुढो हुन थाले, बिस्तारै ती रुख जमिनमै गड्न थाले । पछि समुद्री सतह बढ्न थालेपछि बिस्तारै उक्त जंगललाई समुद्रको भागले ढाकिदियो । अहिले वैज्ञानिकहरुले त्यही प्राचीन जंगल भेट्टाएका छन् । जहाँ उनीहरु मानव जीवन रक्षा गर्नसक्ने औषधि भेटिनसक्ने विश्वास गर्छन् ।
गत साता मात्रै उक्त जंगलबारे ‘नेश्नल ओसियनिक एन्ड एटमोस्फिेरिक एड्मिनिस्ट्रेशन’ले प्रकाशन गरेको आलेखले यस्तो दावी गरेको हो । उक्त लेख अनुसार २००४ को विशाल आँधीले उक्क्त मेक्सिकन समुद्री खाडीलाई धक्का दियो । र समुद्री सतह घटाइदियो । जसले गर्दा उक्त पुरानो जंगलको भाग भेटिएको हो ।
यसपछि बारम्बार वैज्ञानिक र फिल्म मेकरहरुले यस क्षेत्रमा अवलोकन गर्दैआएका छन् । गत डिसेम्बरमा जब ‘नर्थइस्टर्न युनिभर्सिटी’ र ‘युनिभर्सिटी अफ उटा’का वैज्ञानिकको टोली यस क्षेत्रमा पुग्यो तयसपछि यसबारे विस्तृत जानकारी सार्वजनिक भएको हो । रिपोर्ट अनुसार उनीहरु अध्ययनका लागि काठका टुक्रा संकलन गर्न पुगेका थिए ।
प्राध्यापक ब्रायन हेलमन्थ उक्क्त टोलीका एक अनुसन्धाता थिए । ‘यो वास्तवकै सुन्दर दिन थियो, तर पिँधमा पुग्नु भनेको दुधको चकलेटमा डुबे जस्तै थियो । हामी आफ्नै हात अनुहारअघि पनि देख्न सक्दैनथ्यौँ,’ हेलमन्थ भन्छन् ।
जब वैज्ञानिकहरुले उक्त जंगल भेट्टाए त्यसपछि दंग परेका थिए । यसलाई उनीहरुले अनौठो ठानेका छन् । वैज्ञानिकहरुका अनुसार ६० हजार वर्ष पुरानो भए पनि उक्त जंगलका काठ भने नयाँ र ताजा देखिन्थे । उचित तरिकाले संरक्षित गरिराखे जस्तो देखिने उनीहरु बताउँछन् ।
साथै वैज्ञानिकहरुले ती काठ ल्याबमा लगेपछि झनै उत्साही भएको बताउँछन् । ‘यसबाट कस्ता जीवले लाभ लिए, भिन्न किसिमका जनावर यहाँ गाडियो, कस्ता जनावर यसमाथि बसे यसबारे जानकारी लिन पायौँ,’ नर्थइस्टर्न युनिभर्सिटीका बरिष्ठ ल्याब व्यवस्थापक फ्रान्किस चोइले बताए ।
यस क्रममा ३ सय प्रकारका जनावर उक्त काठबाट हटाइएको उनीहरुले जनाएका छन् । वैज्ञानिकहरु खासगरी समुद्री गंड्यौला र त्यस्तै प्रकृतिका जनावरमा केन्द्रित थिए । जब कि, उनीहरु यसमा काठ जनावरको तन्तुमा रुपान्तरण भएको बारे अध्ययन गर्न सक्छन् ।
यस्ता गंड्यौला विज्ञानका लागि नयाँ त हैन । ती सामान्यतः अधिकांश समुद्रमा भएका काठमा भेटिन्छ । तर ६० हजार वर्ष पुरानो काठभित्र रहेका जुका तथा गँड्यौलामा पाइने ब्याक्टेरिया यसअघि कहिल्यै भेटिएको थिएन ।
(सिएनएनबाट)