कैलालीको एउटै स्थानीय तहमा थप ४४ जनाामा कोरोना पुष्टि

धनगढी : कैलालीको एउटै स्थानीय तहमा मंगलबार एकै दिन थप ४४ जनामा कोरोना पुष्टि भएको छ । धनगढी प्रयोगशालामा गरिएको परीक्षणमा गोदावरीका १५ महिला र २९ पुरुष गरी थप ४४ जनामा कोरोना पुष्टि भएको हो । 

यसअघि गोदावरीमा ३७ जनामा कोरोना पुष्टि भएको थियो । मंगलबार थपिएसंगै गोदावरीमा जम्मा कोरोना संक्रमितको संख्या ८१ पुगेको छ । सुदूरपश्चिकै केन्द्र मानिने गोदावरी नगरापलिकामा कोरोना संक्रमतिको संख्या बढ्दै गएपछि गोदावरी बन्द गरिएको छ ।

सेती प्रादेशिक अस्पतालका अनुसार ५ महिनाको बच्ची, ३ वर्ष र ४ वर्षका बालिकामा कोरोना संक्रमण पुष्टि भएको छ । पुरुषतर्फ पनि ८ वर्ष, १० वर्षका दुई जना बालक रहेका छन् । सेती प्रादेशिक अस्पतालका सूचना अधिकारी दिलिपकुमार श्रेष्ठका अनुसार परीक्षणमा मंगलबार कैलालीका ४६ जनामा संक्रमण पुष्टि भएको हो । भजनी नगरपालिका १९ वर्षीय महिला र स्थानीय तह नखुलेका ४२ वर्षीया महिलामा कोरोना पुष्टि भएको छ । 

योसँगै कैलालीमा संक्रमितको सङख्या तीन सय ८७ पुगेको छ । कैलाली तीन जना संक्रमितको मृत्यु भइसकेको जिल्ला हो । सेती प्रादेशिक अस्पतालमा मंलबार गरीएको परीक्षणमा कञ्चनपुरको बेलौरी, बाजुरा र बझाङका एक-एक जना पुरुषमा कोरोना पुष्टि भएको छ ।