गुलरिया : बर्दियामा एकैदिन ४२ जना कोरोना भाईरस (कोभिड–१९) संक्रमित थपिएका छन्। बर्दियाको बाँसगढी नगरपालिकामा संचालित चौधरी ग्रुपमा कार्यरत अधिकांस महिला तथा पुरुष कामदारहरु संक्रमित भेटिएका हुन्।
बर्दियामा २९ जना महिला र १३ जना गरी ४२ जना कोरोना संक्रमित पुष्टि भएको स्वास्थ्य कार्यालय बर्दियाका प्रमुख गोकर्ण गिरीले बताए। संक्रमितमध्ये ३४ जना बाँसगढी नगरपालिकाका छन्। बाँकी बढैयाताल गाउँपालिका र गुलरिया नगरपालिकाका हुन्। संक्रमित सबैलाई आइसोलेसनमा राख्ने तैयारी भइरहेको गिरीले जानकारी दिए।
बर्दियामा १० हजार १ सय १ पीसीआर गरिएकोमध्ये ४ सय ८ जना कोरोना पोजिटिभ पुष्टि भएका छन्। बर्दियामा ३ सय १८ जनाले कोरोना जितेका छन्। स्वाब परीक्षणको नतिजा ५ सय २७ जनाको अझै प्रकृयामा रहेको गिरीले बताए। हालसम्म बर्दियामा एकजनाको कोरोना संक्रमणका कारण मृत्यु भएको छ।
प्रतिक्रिया दिनुहोस !
