गुलरिया : बाघको आक्रमणमा परी बर्दियामा एक महिलाको मृत्यु भएको छ । मधुवन नगरपालिका वार्ड नम्वर ३ बस्ने २९ वर्षीय गंगा खत्रीको घाँस काट्ने क्रममा बाघको आक्रमणमा परेर मृत्यु भएको हो ।
स्थानीय सम्झना सामुदायिक वन उपभोक्ता समूह मधुवनमा घाँस काट्न गएका बेला पाटे बाघले आक्रमण गरी जंगल भित्र पुर्याएको डिभिजन वन कार्यालय बर्दियाका प्रमुख महेन्द्र वाग्लेले बताए ।
सशस्त्र प्रहरी, स्थानियवासीको पहलमा होहल्ला गरी बाघ धपाएर हेर्दा महिलाको मृत्यु भइसकेको थियो ।
घटनास्थ भारतको कर्तनियाघाट वनविहार र बर्दिया राष्ट्रिय निकुञ्जको बीचमा अवस्थित खाता जैविकमार्ग वनक्षेत्रमा पर्छ । सोही क्षेत्रमा केही हप्ता अघि भारत तर्फको जंगलमा पुगेका नेपालीको पनि बाघको आक्रमणमा परी मृत्यु भएको थियो ।
बाघको आक्रमणमा परेर ज्यान गुमाएकी महिला ।
प्रतिक्रिया दिनुहोस !
