ताप्लेजुङ : ताप्लेजुङमा बुधबार ३२ जनामा कारोना भाइरस पुष्टि भएको छ । १ सय ८३ जनाको स्वाब परीक्षणका लागि पठाइएकोमा १४ महिला र १८ पुरुषको रिपोर्ट पोजिटिभ आएको हो ।
ताप्लेजुङका कोभिड फोकल पर्सन प्रतिमा खरेलका अनुसार २ जनाको रिपोर्ट आउन बाँकी छ । योसँगै जिल्लामा सक्रिय संक्रमितको संख्या ५१ जना पुगेको खरेलले बताइन् ।
यसअघि १९ जना सक्रिय संक्रमित थिए । बुधबार पाथीभरा क्याम्पस लाइन, अस्पताल र खोक्लिङमा संकलन गरेर पठाइएको स्वाबको नतिजा आएको हो ।
वैशाख ९ गतेयता जिल्लामा कोरोनाबाट तीनजनाले ज्यान गुमाइसकेका छन्।
प्रतिक्रिया दिनुहोस !
