राजविराज : सप्तरीको पोर्ताहामा मङ्गलबार ट्रकको ठक्करले श्रीमान- श्रीमतीको मृत्यु भएको छ । घरदेखि बरमझियातर्फ साइकलमा गइरहेका हनुमाननगर कंकालिनी नगरपालिका–३ पोर्ताहाका ४५ वर्षीय सत्यनारायण मंण्डल र उनकी श्रीमती ४० वर्षीया सुनीतादेवी मण्डलको ट्रकको ठक्करबाट मृत्यु भएको स्थानीय गंगा साहले बताए ।
जिल्ला अस्पताल भारदह लैजाँदै गर्दा घाइते दम्पतीको मृत्यु भएको प्रहरीले जनाएको छ। ठक्कर दिने ट्रक र चालकलाई प्रहरीले नियन्त्रणमा लिएको जिल्ला प्रहरी कार्यालय सप्तरीका प्रहरी नायव उपरीक्षक माधवप्रसाद काफ्लेले बताए ।
दम्पतीको शव पोष्टमार्टमका लागि राजविराजस्थित गजेन्द्रनारायण सिंह अस्पताल राजबिराजमा ल्याइएको छ ।
प्रतिक्रिया दिनुहोस !
