राजविराजः युवतीलाई विभिन्न प्रलोभन दिइ बलात्कार गरेको आरोपमा सप्तरी निवासी एक प्रहरी असई मंगलबार पक्राउ परेका छन् ।
सप्तरीको बोदे बर्साइन नगरपालिका-१ धनगढी घर भइ जिल्ला ट्राफिक प्रहरी कार्यालय विर्तामोड झापामा कार्यरत असई ३९ वर्षीय जितेन्द्र मण्डल पक्राउ परेको प्रहरीले जनाएको छ ।
पटक-पटक विभिन्न मितिमा विभिन्न स्थानमा बलात्कार गर्दै आएकोमा पछिल्लो पटक गत चैत २८ गते सुनसरीको इटहरीमा बलात्कार गरेको आरोप लगाउँदै एक २३ वर्षीया महिलाले गत साउन ९ गते इलाका प्रहरी कार्यालय इटहरीमा उजुरी दर्ता गराएकी थिइन् ।
इलाका प्रहरी कार्यालय इटहरी सुनसरीमा स्वयं उपस्थित भएका असई मण्डललाई मंगलबार नै सुनसरी जिल्ला अदालत इनरुवाबाट म्याद थप गरी आवश्यक अनुसन्धान अगाडि बढाइएको छ ।
प्रतिक्रिया दिनुहोस !
