बलात्कार कसुरमा एक किशोरलाई साँढे १२ वर्ष कैद, एक लाख क्षतिपूर्ति
भदौ ८, २०७८ मंगलबार १९:३९:०
नुवाकोट : बलात्कार गरेको कसुरमा दोषी ठहर भएका एक किशोरलाई नुवाकोट जिल्ला अदालतले साढे १२ वर्ष कैद सजायको फैसला गरेको छ। एक लाख रुपैयाँ क्षतिपूर्ति भराउनेसमेत फैसला भएको छ।
दुई वर्ष पहिले सात वर्षीया बालिकालाई बलात्कार गरेको कसुरमा नुवाकोटको पुर्वी भेगमा रहेको ककनी गाउँपालिका–१ का १६ वर्षीय बालकलाई अदालतले दोषी ठहर गर्दै १२ वर्ष ६ महिनाको कैद र क्षतिपूर्ति भराउने फैसला सुनाएको हो।
जिल्ला न्यायाधीश उमेशप्रसाद लुईटेलको इजलासले आरोपित बालकले गरेको कसुरमा दोषी ठहर गर्दै उक्त सजायको फैसला गरेको जिल्ला अदालतले जनाएको छ।
आरोपित बालकलाई जिल्ला अदालतले २०७६ मंसिर १० गते पुर्पक्षको लागि थुनामा राख्ने आदेशदिएपछि नेपालगञ्ज बाल गृहमा पठाइएको थियो। कसुरदार हाल बालगृहमै रहेका छन्।
प्रतिक्रिया दिनुहोस !
