नुवाकोट: नुवाकोटका विभिन्न तीन गाउँपालिकामा करदाता शिक्षा तथा अन्तरक्रिया कार्यक्रम सम्पन्न भएको छ ।
पहिलो पटक करदाता सेवा कार्यालय गल्छीको समन्वयामा नुवाकोटका पूर्वी भेगमा रहेका तीन गाउँपालिकामा सो कार्यक्रम गरिएको हो ।
करदाता सेवा कार्यालय गल्छी तथा तादी, दुप्चेश्वर र शिवपुरी गाउँपालिकाको आयोजनामा खरानीटार, समुन्द्रटार र शेराबगरमा तीन दिने करदाता शिक्षा तथा अन्तरक्रिया कार्यक्रम सम्पन्न भएको हो ।
श्रोतमा कर कट्टी (टिडिएस) बारे कर शिक्षा लगायत विषयमा सरोकारवालाबीच अन्तरक्रि भएको थियो । गाउँपालिका र विद्यालयका लेखा शाखाका कर्मचारीहरुलाई करदाता सेवा कार्यालयका प्रमुख कर अधिकृत गजाधर खतिवडा र नुवाकोट उद्योग वाणिज्य संघका कोषाध्यक्ष दिनेशकुमार श्रेष्ठलगायतले सरकारका विविध करका सम्बन्धमा प्रशिक्षण दिएका थिए ।
हाल भुक्तानी दिने फर्म/संघसंस्था, विद्यालय, सरकारी निकाय लगायत सबैले इटिडिएस अनिवार्य गर्नुपर्ने कार्यक्रममा जानकारी दिइएको थियो।
हाल कुनै पनि व्यक्ति, फर्म, निकायले आफ्नो आय विवरण पेश गर्दा पहिले जस्तो सम्बन्धित निकायले दिएको लेटर र भौचरको आधारमा दावी गर्न नमिल्ने व्यवस्था भएकोले इटिडिएस तालिम दिइएको आयोजक करदाता सेवा कार्यालय गल्छीका प्रमुख गजाधर खतिवडाले जानकारी दिए । पहिलो पटक नमूनाका रुपमा कर शिक्षा अन्तरक्रिया गरिएको र नुवाकोटका अन्य स्थानीय तहमा पनि छिट्टै नै इटिडिएस तालिम दिइने खतिवडाले वताए ।
प्रतिक्रिया दिनुहोस !
