नुवाकोट: कोभिड-१९ को महामारी नियन्त्रण तथा स्थायी शान्तिको कामना गर्दै नुवाकोटको धार्मिक स्थल देवीघाटमा रुद्राक्षल गायतका वृक्षरोपण गरिएको छ ।
विदुर नगरपालिका वडा नं. ५ देवीघाटमा रहेको देवीघाट ज्येष्ठ नागरिक अध्ययन प्रतिष्ठान तथा वृद्धाश्रममा पहिलो पटक महामारी नियन्त्रणको कामना सहित रुद्राक्ष लगायतका वृक्षरोपण गरिएको हो ।
कार्यक्रमका बीच सर्वोच्च अदालतका पूर्व प्रधानन्यायाधीश दामोदरप्रसाद शर्माले अध्ययन प्रतिष्ठान तथा वृद्धाश्रममा रुद्राक्षको विरुवा रोपेर अभियानको आरम्भ गरे । उनले विश्वमा मानव कल्याणको एकमात्रै उद्देश्य सामाजिक कार्य भएको भन्दै सामाजिक कार्यबाटै मानवमा सत्मार्गको चेतना प्रवाहित हुने बताए ।
कार्यक्रममा रुद्राक्षको ७५ बोटसहित अम्बा लगायतका फलफूलसमेत गरी एक सय ५० बिरुवा रोपिएको कार्यक्रम व्यवस्थापक कृष्णप्रसाद पनेरु स्मृति प्रतिष्ठानका अध्यक्ष विष्णुप्रसाद पनेरुले बताए । वृक्षरोपणमा विदुर नगरपालिकाका मेयर सन्जु पण्डित तथा शिक्षाप्रेमी तथा सामाजिक क्षेत्रका सर्वसाधारणको सहभागिता थियो ।
नुवाकोटमा गायत्री परिवार/शान्तिकुन्ज हरिद्वारको नेपाल केन्द्र स्थापनाका लागि विदुर–५ पिपलटारमा विष्णुप्रसाद/कृष्णप्रसाद पनेरु स्मृति प्रतिष्ठानका तर्फबाट संस्थाको लागि १२ आना जग्गा उपलव्ध गराउने घोषणा गरेका छन् ।
प्रतिक्रिया दिनुहोस !
