बाँकेमा बर्सेनि थपिँदै एचआइभी एड्सका १०० जना नयाँ संक्रमित
नेपालगन्ज : हरेक वर्ष औसतरुपमा एक सय जना नयाँ एचआइभी संक्रमित थपिँदै गएका छन् । जिल्ला स्वास्थ्य कार्यालय बाँकेका एचआइभी एड्स फोकल पर्सन मानव नेपालीका अनुसार विगत ४ वर्षको तथ्याङ्क विश्लेषण गर्दा हरेक वर्ष औसत रुपमा एक सय जना एचआइभी संक्रमित थपिएका हुन् ।
आर्थिक वर्ष ०७४/७५ मा जिल्लामा १ हजार ४ जना संक्रमित थिए । ०७६/६७ मा १ हजार २ सय १७ र ०७७/७८ मा यो संख्या बढेर १ हजार ३ सय ३४ पुगेको छ । गतवर्ष मात्रै एक सय १७ जना नयाँ संक्रमित थपिएका थिए । भेरी अस्पताल नेपालगन्जबाट ५ सय १० जना एचआइभी/एड्सका संक्रमितले नियमि औषधि तथा उपचार सेवा लिइरहेका छन् ।