रौतहट : चन्द्रपुर-गौर सडक खण्डको जयनगर चोकभन्दा १ किलोमिटर दक्षिणतर्फ स्कारपिओ दुर्घटना भएको छ। जिल्लाको गढीमाइ नगरपालिका गम्हरिया टोलबाट परोहा नगरपालिकाको नरकटिया टोलमा जन्ती लिएर गएको भारतीय गाडी बिआर ०५ पिए ६९५३ नम्बरको रातो स्कारपियो फर्किने क्रममा आफैँ अनियन्त्रित भइ दुर्घटनामा भएको हो।
बिजुलीको पोलमा ठक्कर खाँदा घटना स्थलमा ४ जनाको मृत्यु भएको छ भने ३ जनाको अवस्था चिन्ताजनक रहेको प्रहरीले बताएको छ। दुर्घटनाको थप विवरण आउन बाँकी रहेको प्रहरीले जनाएको छ।
घाइते ३ जनाको स्थानीय अस्पतालमा उपचार भइरहेको छ।
प्रतिक्रिया दिनुहोस !
