पाल्पा : बुटवलबाट शव बोकेर पाल्पाको रिडी अन्त्येष्टीका लागि हिडेको बस पाल्पाको रिब्दीकोट गाउँपालिका-२ लघुवामा दुर्घटना हुँदा घटनास्थमै ७ जनाको मृत्यु भएको छ भने १५ जना घाईते भएका छन् ।
जिल्ला प्रहरी कार्यालय पाल्पाका अनुसार मृत्यु हुनेमा अर्घाखाची मलारानी गाउँपालिका-२ का २५ वर्षीय शंकर विक सोही स्थानकै ३६ वर्षीय मोहन कुवँर, सोही स्थानकै २८ वर्षीय भोजेन्द्र विक, सोही स्थानकै ३३ वर्षीय अर्जुन विक बुटवल उपमहानगरपालिका-१७ का ३० वर्षीय पशुपती रसाली, सोही स्थानकै ४० वर्षीय खुमबहादुर राना, बुटवल उपमहानगर-११ का ३२ वर्षीय विजय थापाक्षेत्री रहेको प्रहरी नायव उपरीक्षक एव सूचना अधिकारी रामेश्वर त्वातीले जानकारी दिए । बुटवल उपमहानगरपालिका-११ बुद्धनगरका ६८ वर्षीय मृतक विरबहादुर विकको शव लिएर रिडी जाँदै गर्दा पाल्पाको लघुवामा दुर्घटना भएको हो ।
यस्तै घाईते भएका मालारानी-२ अर्घाखचीका ३९ वर्षीय तुल्सीराम विक, सोही स्थानकै २२ वर्षीय दिपक विक ४० वर्षीय अर्जुन रसाईली, ३५ वर्षीय लक्ष्मण टोहटो, २७ वर्षीय विष्णु विक, १३ वर्षीय बरुण रसाईली र बुटवल उपमहानगरपालिका-१२ का ४८ वर्षीय माधवप्रसाद बस्यालको मिशन अस्पतालमा उपचार भईरहेको प्रहरीले जनाएको छ ।
बस दुर्घटनास्थलमा शीत परेको चिसो भएको, साँघुरो घुम्तीरहेको सडक किनारका डिभाईडर भत्काउँदै घिसारिएर दुर्घटना भएको छ । तराई क्षेत्रमा चलाएको चालक रहेको, पहाडी बाटोमा अनुभव नभएकोले दुर्घटना भएको अन्य सवारी चालकहरुले बताएका छन् । प्रहरीले घटनाको विषयमा अनुसन्धान भईरहेको जनाएको छ । बस पल्टिदाँ च्यापिर ३ जना मलामीको मृत्यु भएपछी डोजर९स्काभेटर०प्रयोग गरी शव निकालिएको थियो ।
प्रतिक्रिया दिनुहोस !
