दाङ : नेकपा एमाले दाङको अध्यक्षमा हुकुमबहादुर बस्नेत चयन भएका छन्। बस्नेत १३ औं जिल्ला अधिवेशनबाट सर्वसम्मत जिल्ला अध्यक्ष चयन गरिएका हुन्।
बस्नेत तुलसीपुर उपमहानगरपालिका वडा नं. १२ का स्थायी बासिन्दा हुन्। बस्नेत यसअघि पार्टीको जिल्ला उपाध्यक्षको जिम्मेवारीमा थिए। पार्टी विभाजन हुँदा उनले अध्यक्षको जिम्मेवारी पनि सम्हालेका थिए।
त्यस्तै उपाध्यक्षमा जिल्ला उपाध्यक्षमा राममणी पाण्डे, सचिव मनोहर बुढाथोकी, उपसचिव कृष्ण भुसाल र हिरा देवी पुन चयन गरिएका छन्। तीन वर्षे कार्यकालका लागि एमाले जिल्ला कमिटी १२१ सदस्यको निर्माण गरिएको छ।
प्रतिक्रिया दिनुहोस !
