नुवाकोट : नुवाकोट जिल्ला कारागार ढुंगेमा बन्दी जीवन बिताइरहेका महिलालाई एक महिलाले विभिन्न सामग्री हस्तान्तरण गरेकी छन्। जिल्ला कारागारमै जन्मदिन मनाउँदै विदुर नगरपालिका–९ की इन्दिरा रिजाल लामिछानेले आफ्नो ३९ औं जन्मदिनको अवसरमा शनिबार जिल्ला कारागारमा रहेका महिला कैदिबन्दीलाई व्यक्तिगत रुपमा विविध सामगी प्रदान गरेकी हुन्।
इन्दिराले महंगो खर्च गरेर खानपिन गर्दै जन्मदिन मनाउने चलन बढेकोमा सामाजिक भावनाले महिला बन्दीहरुका लागि ४ थान भित्ते पंखा ( फ्यान ) सहित सरसफाइ तथा दैनिक उपभोग्य सामग्री हस्तान्तरण गरेकी हुन्। इन्दिराले जन्मदिनको अवसरमा जिल्ला कारागार नुवाकोटमा रहेका १३ जना महिला कैदीबन्दीलाई सहयोग गरेको बताइन्।
पछिल्लो समय ठुला होटेल तथा रेष्टुरेष्टमा साथीभाइलाई खुसी बनाउने बहानामा जन्मदिन महंगो खर्च गरेर मनाउने संस्कारलाई परिवर्तन गर्ने हेतुले सामग्रीहरु सहयोग गरिएको बताइन्। उनले कारागारमै पुगेर दुई जना बन्दीलाई ती सामग्री हस्तान्तरण गरिन्।
प्रतिक्रिया दिनुहोस !
