भैरहवा : सत्ता गठबन्धनमा आवद्ध दलहरुले अगामी स्थानीय निर्वाचनमा रुपन्देहीको सिद्धार्थनगर नगरपालिका (भैरहवा) मा तालमेल गरेर अघि बढ्ने निर्णय गरेका छन् । मंगलबार भैरहवामा बसेको गठबन्धनमा आवद्ध दलहरुको बैठकले चुनावी गठबन्धनको आवश्यकता ठहर गर्दै र सोका लागि नगर र वडातहसम्म नै गठबन्धन गरेर अघि बढ्ने निर्णय गरेका हुन् ।
बैठकले नगरमा गठबन्धनको लागि चार बुँदे निर्णय गरेको छ । नेपाली कांग्रेस नगर सभापति कोशीस बहादुर खड्काको सभापतित्वमा बसेको सत्ता साझेदार दलहरु नेकपा समाजवादी, एकीकृत नेकपा माओवादी केन्द्र, जनता समाजवादी पार्टी र राष्ट्रिय जनमोर्चाको नगरस्तरीय संयुक्त बैठकले चुनावी संयन्त्र निर्माण गरी छलफललाई थप अगाडि बढाउने निर्णय गरेको हो ।
नगरपालिकाको १३ वटै वडामा चुनावी तालमेल गर्ने निर्णय भएको कांग्रेस नगर सभापति कोशिस खड्काले जानकारी दिए । यससँगै सत्तारुढ गठबन्धनले रुपन्देही जिल्लाको १६ वटै तहमा पनि गठबन्धन गरेर अघि बढ्ने उद्घोष गरेको छ ।
प्रतिक्रिया दिनुहोस !
