मतदान गर्न डेढ घण्टा पैदल

मतदान गर्न डेढ घण्टा पैदल

रसुवा : रसुवाको गोसाइँकुण्ड गाउँपालिका–४ क्यान्जिनका ग्याल्बो तामाङले २०४९ सालपछिका निर्वाचनमा मतदान गर्दै आएका छन् । उनले सबैजसो निर्वाचनमा भाग लिएका छन् । उनी एक व्यवसायी पनि हुन् । उनको क्यान्जिनमा होटल छ । निर्वाचनको समयमा उनी होटल बन्द गरेर मतदान गर्न मुण्डुप पुग्छन् । क्यान्जिनबाट मुण्डुप पुग्न डेड घण्टा पैदल हिँड्नुपर्छ । ‘अझैं पहिले पहिले त लाङटाङ जानु पथ्र्यो,' उनले भने, 'अहिले अलि नजिक छ ।'

क्यान्जिनबाट लाङटाङ पुग्न २ घण्टा लाग्छ । क्यान्जिनमा ४५ घरधुरी छन् । त्यहाँका अधिकांशले होटल व्यवसाय गरेका छन् । त्यहाँ करिब ७० जना मतदाता छन् । निर्वाचनको दिन होटल बन्द गरेर मतदान गर्न केन्द्रसम्म उनीहरू पुग्ने गरेका छन् ।  

‘अहिले पर्यटकको आगमन पनि कम छ,' उनले भने, 'मतदान गर्ने दिन हामी होटलमा बस्दैनौं।’त्यहाँ पर्यटक पुगेपनि मतदान हुने समयमा घुम्ने भएकाले खासै असर पर्दैन । मुण्डुपस्थित सामुदायिक भवनमा मतदान केन्द्र निर्माण गरिएको छ । 

मतदान केन्द्रमा निर्वाचन सामग्री पुगिसकेको छ । आवश्यक कर्मचारी सोमबार राति नै पुगेर काम सुरु गरिसकेका छन् । दुई दिनको पैदलयात्रापछि चारजना कर्मचारी मुण्डुप पुगेका थिए । त्यहाँ ३ सय ६३ मतदाता छन् । 


प्रतिक्रिया दिनुहोस !

लोकप्रिय

Unity

working together is no longer optional-it is a matter of compulsion

Annapurna Media Network has announced the Unity for Sustainability campaign which comes into force from January 1, 2022. The main aim of this campaign is to 'lead the climate change dialogue' working closely with all the stakeholders on sustainable development mode, particulary focusing on climate-change issues.