धनकुटा : अघिल्लो स्थानीय तह निर्वाचनमा नेकपा एमालेले क्लीनस्वीप गरेको पाख्रिवास नगरपालिकामा लोकतान्त्रिक गठवन्धनले विजयी खाता खोलेको छ।
गत २०७४ सालको स्थानीय तह निर्वाचनमा मेयर/उपमेयरसहित सबै वडामा जीत हासिल गरेको पाख्रिवास नगरपालिकामा गठवन्धनले विजयी खाता खोलेको हो।
पाख्रिवास नगरपालिका वडा नं. १ को वडाध्यक्षमा गठवन्धनका भोगेन्द्र पाण्डे सहित पुरै प्यानलले विजयी हासिल गरेको छ। पाण्डेले नेकपा एमालेका उम्मेदवार दुर्गावहादुर थापालाई १ सय ४४ मतान्तरले पराजित गरे। विजयी पाण्डेले ४ सय २३ उनका निकटम प्रतिद्वन्द्वी थापाले २ सय ७९ मत प्राप्त गरे।
त्यस्तै खुल्ला वडा सदस्यमा गठवन्धनका रत्नवहादुर अधिकारी, रुद्रवहादुर कार्की, महिला सदस्यमा डम्बरकुमारी अधिकारी धमला र दलित महिला सदस्यमा कोपिला सार्की विजयी भएको जिल्ला निर्वाचन कार्यालय धनकुटाले जनाएको छ।
प्रतिक्रिया दिनुहोस !
