वीरगन्जमा एमालेभन्दा जसपाका उम्मेदवार करिब ९ हजार मतले अगाडि
जेठ ५, २०७९ बिहीबार १६:४९:०
वीरगन्ज : वीरगन्ज महानगरको मेयरमा सत्तागठबन्धनले एमालेसँगको अग्रता झण्डै ९ हजार पुर्याएको छ ।
बिहीबार अपरान्ह ४ बजेसम्म ३२७०१ मत गणना हुँदा मेयरमा गठबन्धनका उम्मेदवारले एमालेका उम्मेदवारभन्दा ८८८९ बढी मत प्राप्त गरेका छन् ।
गठबन्धनबाट जसपाका उम्मेदवार राजेशमान सिंहले १८३९३ मत प्राप्त गरेका छन् भने निकटम प्रतिद्वन्दवी एमालेका उम्मेदवार विजय कुमार सरावगीले ९५०४ मत पाएका छन् । सिंहले सरावगीसँगको मतान्तर निरन्तर बढाउँदै लगेका छन् ।
राप्रपाका उम्मेदवार गिरिश गिरीले भने ८२२ मत मात्रै पाएका छन् ।
यस्तै, उपमेयरमा गठबन्धनबाट कांग्रेसका उम्मेदवार इम्तियाज आलमले १३२७९ मतका साथ अग्रता कायम राखेका छन् ।
लोसपाका उम्मेदवार पुरुषोत्तमलाल झाले भने २६९४ मत पाएका छन् । उपमेयरमै स्वतन्त्र उम्मेदवार रम्भा मिश्रा भने १८७७ मतका साथ तेश्रो स्थानमा छिन् ।
राप्रपाकी उपमेयरकी उमेदवार विना जयसवालको भने १४४३ मत रहेको छ ।
३२ वटा वडा रहेको वीरगन्ज महानगरपालिकामा शुक्रबार भएको मतदानमा ७३ प्रतिशत अर्थात् ९४ हजार ६ सय मत खसेको थियो ।
प्रतिक्रिया दिनुहोस !
