परासी : पश्चिम नवलपरासीका ७ स्थानीय तहमा सबैभन्दा बढी नेपाली कांग्रेसका उमेदवार जनप्रतिनिधिमा चुनिएका छन्। ३ नगरपालिका र ४ गाउँपालिका रहेको जिल्लामा कुल ३ सय ८४ जनप्रतिनिधि चुनिएका छन्।
जसमा प्रमुख र उपप्रमुखसहित नेपाली कांग्रेसबाट १ सय ७४ जनप्रतिनिधि चुनिएका हुन्। कांग्रेसले प्रमुख र उपप्रमुखमा ३-३ पालिका जितेको छ। ३४ वडामा वडाअध्यक्ष र १ सय ३४ सदस्य जितेको छ।
एमालेबाट ३ प्रमुख र २ उपप्रमुखसहित १ सय ९ जनप्रतिनिधि चुनिएका छन्। जसमा १६ वडाध्यक्ष र ८८ जना वडा सदस्य जितेको छ। माओवादी केन्द्रले १-१ प्रमुख उपप्रमुखसहित ३० जनप्रतिनिधि जितेको छ। जसमा ७ वडाध्यक्ष र २१ जना सदस्यामा जितेको छ। राप्रपाले ३० जना जनप्रतिनिधि जितेको छ। जसमा १ उपप्रमुख, ६ वडाध्यक्ष र २३ वडा सदस्यमा जनप्रतिनिधि जितेको हो।
जनता समाजवादी पार्टी(जसपाले) २४ जनप्रतिनिधि जितेको छ। जसमा ६ वडाध्यक्ष र १८ सदस्य छन्। लोसपाले १ वडाध्यक्ष र ४ सदस्य गरी ५ जनप्रतिनिधिमा जितेको छ। जनता प्रगतिशिल पार्टी(जप्रपा) ले १ वडाध्यक्ष र ४ सदस्य गरी ५ जनप्रतिनिधि जितेको छ। नेकपा एकीकृत समाजवादी(एस) ले १ वडाध्यक्ष र २ सदस्य गरी ३ जना जनप्रतिनिधि जितेको छ। स्वतन्त्रबाट २ जना वडाध्यक्ष र २ जना सदस्य गरी ४ जनाले जितेका छन्।
प्रतिक्रिया दिनुहोस !
