नुवाकोट : नुवाकोटमा लागूऔषधसहित एक युवक पक्राउ परेका छन्। महोत्तरी जिल्लाको भटोलिया गाउँपालिका-३ का २० वर्षीय अविनाश ठाकुर पक्राउ परेका हुन्।
प्रहरीको टोलीले विशेष सूचनाका आधारमा चेकजाँच गर्दा ककनी गाँउपालिका-२ खानिखोलाबाट उनलाई पक्राउ गरिएको हो।
प्रहरी नायव उपरिक्षक रूपक खड्काका अनुसार युवकले बोकेको कालो झोलामा प्लाष्टिकले बेरेको २ किलो गाँजा भेटिएको थियो।
उनलाई लागूऔषध नियन्त्रण ऐन २०३३ बमोजिम अनुसन्धान भई रहेको प्रहरीले जनाएको छ। उनलाई विदुरस्थित प्रहरी हिरासतमा राखिएको छ।
प्रतिक्रिया दिनुहोस !
