वीरगन्ज : वीरगन्ज महानगरपालिका -२१ तजपुरमा शुक्रबार बिहान भएको सवारी दुर्घटनामा एक बालकको मृत्यु भएको छ ।
ट्याक्टरबाट खसेर त्यहि ट्याक्टरले किचिएर ताजपुरकै सन्जय पासवानका ५ वर्षीय छोरा सुशील पासवानको मृत्यु भएको हो ।
प्रहरीका अनुसार , वीरगन्ज २१ ताजपुरस्थित सडकमा बालुवा बोकेर जाँदै गरेको ना ३ त १४३६ नम्बरको ट्याक्टरमा सवार ५ वर्षीय बालक शुक्रबार बिहान साढे ९ बजे तिर ट्याक्टरबाट सडकमा खसेको र त्यहि ट्याक्टरको चक्काले किचिएर गम्भीर घाइते भएका थिए ।
घाइते बालकलाई उपचारका लागि तत्कालै नारायणी अस्पतालमा लैजाने क्रममा बाटोमा नै उनको मृत्यु भएको प्रहरीले जनाएको छ ।
ट्याक्टर नियन्त्रणमा लिइएको र चालक सुनील यादव भने घटनास्थलबाट फरार रहेको हुँदा उनको खोजतलास भइरहेको पर्साका प्रहरी उपरीक्षक रमेश बस्नेतले जानकारी दिए ।
प्रतिक्रिया दिनुहोस !
