बाराको अमलेखगञ्जमा बस दुर्घटना : ८ जनाको मृत्यु,२५ घाइते
असोज २०, २०७९ बिहीबार १२:३५:०
बारा : बाराको अमलेखगञ्ज नजिकै तीन नम्बर पुल छेउमा बस दुर्घटना भएको छ। दुर्घटनामा ठूलो मानवीय क्षति भएको छ ।
नारायणगढबाट वीरगन्ज आउँदै गरेको बा०६–००१ ख–०११० नम्बरको बस बिहान साढे १० बजेतिर तीन नम्बर पुल नजिकैको मोडमा सडकबाट खोलामा खसेको हो ।
दुर्घटनास्थलमा ८ जनाको मृत्यु भएको बाराका प्रहरी उपरीक्षक होविन्द्र बोगटीले जानकारी दिए ।
अरु २५ जना घाइते भएका छन्। घाइतेमध्ये १५ जनाको अवस्था गम्भीर रहेको प्रहरी उपरीक्षक बोगटीले बताए । गम्भीर घाइतेलाई उपचारका लागि हेटौडा अस्पताल र सामान्य घाइतेहरुलाई सिमराको अल्पाइन अस्पतालमा पठाइएको जानकारी बोगटीले दिएका छन् ।
बस तीन नम्बर पुल नजिकैको मोडमा नमोडिकन सडकबाट करिब १५ मिटर तल खोलामा खसेको थियो। मृतक र घाइतेहरुको परिचय खुल्न बाँकी रहेको उनले बताए ।
प्रतिक्रिया दिनुहोस !
