वीरगन्ज : पर्सामा प्रहरीले मोटरसाइकल चोरीमा संलग्न गिरोहलाई पक्राउ गरेको छ। पर्साको वीरगन्ज र ग्रामीण भेगबाट मोटरसाइकल चोरी गरी अन्यत्र लगेर बिक्री गर्दै आएको गिरोहलाई प्रहरीले पक्राउ गरेको हो।
प्रहरीले मोरटरसाइकल चोरी गिरोहमा संलग्न छ जनालाई पक्राउ गर्नुका साथै उनीहरूको साथबाट चोरीका पाँचवटा मोटरसाइकल पनि बरामद गरेको छ।
पक्राउ पर्नेहरूमा पर्साको वीरगन्ज महानगरपालिका वडा नम्बर १३ राधेमाइका २१ वर्षीय सुमित कुशवाहा, वडा नम्बर १२ मुर्लीका १९ वर्षीय राजन मण्डल, मुर्लीकै अभय मण्डल, वडा नम्बर ११ रानीघाटका २० वर्षीय नन्दन चौरसिया, वडा नम्बर १० घडीअर्वाका २० वर्षीय रिकी मण्डल र पर्साकै पोखरीया नगरपालिका वडा नम्बर ६ सिर्सियाका २५ वर्षीय खरबुद आलम रहेका छन्।
उनीहरूको साथबाट चोरीका ना.१० प ५०५१, प्र.२-०३-००३ प ७५०९, ना.३७ प २०२४ , ना.१८ प ४२१९ र ना.३७ प २०२४ नम्बरका गरी पाँचवटा मोटरसाइकल बरामद गरिएको पर्साका प्रहरी उपरीक्षक रमेश बस्नेतले जानकारी दिए।
प्रतिक्रिया दिनुहोस !
