जोमसोम: मंसिर ४ गते हुने प्रतिनिधि र प्रदेशसभा निर्वाचनका लागि हिमाली जिल्ला मुस्ताङका ३९ मतदान केन्द्र र एक अस्थायी मतदान केन्द्रमा खटिने कर्मचारीहरुलाई सम्वन्धित मतदान केन्द्रमा खटाईएको छ ।
मुख्य निर्वाचन अधिकृतको कार्यालयले बिहिबार मतदान अधिकृत र सहायक मतदान अधिकृतहरुलाई आवश्यक मतपत्र र मतदान सामाग्रीसहित सम्वन्धित कार्यस्थलमा खटाईएको हो ।
मुस्ताङमा स्थानीय तह,संघ र प्रदेश कार्यालयमा कार्यरत कर्मचारीहरुलाई मतदान अधिकृत र सहायक मतदान अधिकृतको जिम्मेवारी दिईएको हो ।
यसअघि मुस्ताङका एक अस्थायी मतदान केन्द्रसहित ४० मतदान केन्द्रका मतदान केन्द्रमा खटिने मतदान अधिकृत र सहायक मतदान अधिकृतहरुलाई निर्वाचन स्वच्छ, निश्पक्ष,पारदर्शी र शान्तिपूर्ण वातावरणमा सम्पन्न गर्न जिल्ला निर्वाचन कार्यालय आवश्यक तालिम प्रदान गरेको थियो ।
प्रतिक्रिया दिनुहोस !
