नुवाकोट : माघे संक्रान्तिको अवसरमा नुवाकोटको तारुकामा यस पटक दुई दिनसम्म गोरु जुधाइएको छ।
आइतबार र सोमबार तारुकाको चन्दनीमा गोरु जुधाई महोत्सव गरिएको हो।
यहाँ २८ हल गोरु जुधाइएको तारुका गोरु जुधाई महोत्सवका संयोजकसमेत रहेका गोरुपालक किसान मदनकुमार श्रेष्ठले बताए।
पन्चकन्या गाउँपालिका- ३ पिपलडाँडामा ११ हल गोरु जुधाइएको आयोजक समितिका संयोजक गणेश खनालले बताए। विदुर नगरपालिका- १० बेत्रावतीमा यस वर्ष ९ हल गोरु जुधाइएको छ।
मेला अवलोकन गर्न नुवाकोटसहित रसुवा, काठमाडौं, धादिङ, गोरखा, चितवन, मकवानपुर, सिन्धुपाल्चोक, काभ्रेबाट समेत आएका छन्।
प्रतिक्रिया दिनुहोस !
