गुल्मी : ट्याक्टरले किच्दा गुल्मीमा एक युवाको मृत्यु भएको छ।
धुर्कोट गाउँपालिका-२ पिपलधारामा लु ४ त ७६५६ नम्बरको ट्याक्टरले किच्दा सोही गाउँका २२ वर्षीय सुवास परियारको मृत्यु भएको जिल्ला प्रहरी कार्यालय गुल्मीले जनाएको छ।
नादी खोलाबाट बालुवा बोकेर पिपलधारा जाँदै गरेको ट्याक्टरमा उनी सवार थिए। अचानक ट्याक्टरबाट खसेको र बीचको पांग्राले किच्दा उनको मृत्यु भएको हो।
उनी अर्को ट्याक्टरको सहचालक समेत हुन्। चालक र ट्याक्टरलाई प्रहरीले नियन्त्रणमा लिएको छ।
प्रतिक्रिया दिनुहोस !
