वीरेन्द्रनगर : सुर्खेतमा बसले ठक्कर दिँदा एक जना महिलाको मृत्यु भएको छ।
बसपार्क नजिकै बसको ठक्करबाट घाइते ६६ वर्षीया एक महिलाको उपचारका क्रममा मृत्यु भएको हो। उनको पहिचान भने खुलेको छैन।
उनको उपचारका लागि प्रदेश अस्पताल लैजाँदै गर्दा मृत्यु भएको श्रेष्ठले बताए। बा ४ ख ८०६१ नम्बरको बस बुलुबुले चोकबाट बसपार्क आउँदै गरेको थियो।
उक्त महिला जेब्राक्रसमा बाटो काटिरहेकै समयमा बसले ठक्कर दिएको प्रहरीको भनाइ छ। बसका चालक फरार रहेको छन्। बस नियन्त्रणमा लिएर जिल्ला प्रहरी कार्यालयमा राखिएको छ। फरार चालकको खोजी भइरहेको प्रहरीले जनाएको छ।
प्रतिक्रिया दिनुहोस !
